देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Tuesday, June 18, 2013

“ठेकेदारु की मौज”

बिमार करा वे सनै,
फेर करा ईलाज जी,
गुस्‍सा त वै आलु हि,
कनुकै भला हवै सकदन,
तब वैका मिजाज जी....

कैकि बात कन्‍नु छौं,

समझ मा नि आई,
तुम हि सोचा?
ठेकेदारुन तुमारु पहाड़,
ठोकी अर ठक्‍कठयाई,
घत्‍त लगि कब्‍ज्‍याई,
गंगा जी छालौं फुंड,
रेत बजरी हत्‍याई......

पैंसा बल पाणी की तरौं,

तौंका खातिर बग्‍दु,
पहाड़ मा सड़क,
सरकारी भवन,
डाम भी,
जौंकी योजना बणैक,
सरकारी अफसर,
अफु अर तौं तैं,
मालामाल करदु.....

गंगा जी मा,
अथाह पाणी आज,
उत्‍पात मचौणु छ,
नई बात निछ या,
पैलि भी यनु हवै,
जब नि चेति इंसान,
क्‍या करि सकदु,
वक्‍त अर भगवान...

मोळ माटु तब,
होलु फेर अब,
टूट्रयां पुळ सड़क,
आपदा सी राहत,
यी सब काम होला,
फेर होलि,
“ठेकेदारु की मौज”....

-जगमोहन सिंह जयाड़ा जिज्ञासु,

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।