माटु छ मनखि

 

ब्वल्दन माटु छ मनखि,

खुश कतै नि होणु,

ह्वन्दा खान्दा मनख्यौं द्येखि,

ज्युकड़ि नि जळौणु।

 

मिल्दु छ वथ्गा हि,

जथ्गा जैकु भाग,

नि जळौणु तुम्न,

अपणि ज्युकड़ि मा आग। 

 

द्वी दिनै यीं जिंदगी तैं,

हैंसि ख्यलिक बितावा,

मनखि छौं हम,

मन मा मनख्वात जगावा।

 

क्या ल्हिजाण दगड़ा?

सब यखि रै जान्दु,

जथ्गा छ भाग मा,

मनखि वथ्गा हि खान्दु।

 

माटु छ बल मनखि,

या छ सच्ची बात,

जान्दु यीं दुन्यां बिटि,

भटगैक खाली हात।

27/01/2021