"क्या बोन्न तब, कविमन का ऊमाळ"

बुढ़ापा का दिन,

बौड़ि ऎगिन,

क्या पाई?

क्या खोई जग मा?

अपणा भी अब,

दूर ह्वैगिन,

जौं फर थौ सारू हमारू,

जिंदगी अब,

यनि लगणि छ,

जन हो मुंड मा,

बोझ अर भारू,

हे! बद्रीविशाल जी,

अब तू ही छैं,

रक्षपाल हमारू,

पर यु ह्वक्का,

असली दगड़्या,

बीच मा जू धरयुं हमारू....

-जगमोहन सिंह जयाड़ा "जिज्ञासु" 

(रचना सर्वाधिकार सुरक्षित एवं ब्लॉग पर प्रकाशित)

१३.८.२०१२ 

तस्वीर: श्री शूरवीर सिंह रावत, पत्रकार और ब्लागर जी का सौजन्य सी।