देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Friday, March 29, 2013

"कनु जमानू थयौं ऊ"

खटमलुन खयौं मैं,
ऊपाणौन तड़कयौं,
दगड़यौन भतगयौं
अर हौड़ हौड़ फरकयौं,
कनु जमानू थयौं ऊ,
आज भूली गयौं.....

पक्याँ आम खूब खैन,
गोरू चरौंण गयौं,
सारी फुंड फाळ मारी,
बिट्टा ऊद फर्केयौं,
कनु जमानू थयौं ऊ,
आज भूली गयौं......

उकाळी भि हिटयौं,
अर उद्यारी भि गयौं,
बोझ भारू बोकि खूब,
खेल कौथिग गयौं,
कनु जमानू थयौं ऊ,
आज भूली गयौं......

एक दिन यनु आई,
गढ़वाळ की गाड़ी मा बैठि,
वे प्यारा पहाड़ छोड़ी,
हिंदुस्तान का दिल मा अयौं,
आज मैकु याद औन्दि,
कनु जमानू थयौं ऊ,
आज भूली गयौं......

-जगमोहन सिंह जयाड़ा "जिज्ञासु"
सर्वाधिकार सुरक्षित एवं प्रकाशित
29.3.13

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।