"गढ़वाळि कविता"

नि लिखेणि छन अजग्‍याल मैं सी,
यनु लगणु छ जनु ढौंडा पड़िगी भैंसि,
मन मा उठणि बौळ सी,
औणि छ बौळया, धुंधकारी जी की याद,
लिखणु छौं आज, भैात दिनु का बाद,

मैं यनु भि लगणु छ मेरु कविमन,

पहाड़ की काखड़ी मुंगरी की खोज मा,

कखि प्‍यारा पहाड़ त नि चलिगि,

पर मैकु त सच मा उत्‍पात करिगि,

मेरा कवि दगड़्यौं अब रस्‍ता एक हिछ,

कखि गढ़वाळ मा बाक्‍की मू जावा,

किलै नि लिखेणि छन गढ़वाळि कविता,

यांकु स्‍यूंत भेद जरुर लगावा.......

-जगमोहन सिंह जयाड़ा जिज्ञासु

7.10.2013