देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Wednesday, February 24, 2016

“ऋतु बंसंत”

“ऋतु बंसंत”

ऋतु बसंत बौड़िक एगि,
मैनि लगिं छ चैत की,
पाख्यौं मां फ्योंली,
मुल मुल हैंसणी,
खुद लगिं छ मैत की……..

दण मण आंसू,
आंख्यौं मां औणा,
खुदेड़ मैनि चैत की,
निर्मैत्या नौनी अफुमा रोंणी,
खुद लगिं छ मैत की……..

प्यारी घुघती घुराण लगिं,
याद औणि छ मैत की,
आरू घिंगारू अब फूलिगिन,
उलारया मैंनी चैत की……..

कौथगेर मैनु बैशाख आलु,
जाली भग्यानी मैत,
बंणु मां बुरांस,
बंणाग लगाणा,
मैनि लगिं छ चैत…….

डांडी कांठ्यौं मां,
अयुं मौळ्यार,
डाळ्यौं मां खिल्यां फूल,
पापी बसंत,
न दुखौ मैकु,
त्वैन जाण छ न भूल…….

स्वरचित:
जगमोहन सिंह जयाड़ा, जिग्यांसु
२९.१.2009

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।