देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Wednesday, February 24, 2016

“पाटी, माटु अर् कमेड़ु”

“पाटी, माटु अर् कमेड़ु”

गुरुजीन अक्षर ज्ञान का खातिर,
पाटी मा पैलि माटु बिछाई,
बड़ा प्यार सी आंगळि पकड़ी,
अ आ इ ई लिख्न्णु सिखाई.

काळी पाटी मा कलम कमेड़ान,
बराखड़ी लिख्न्णु सिखाई,
लिख्दु लिख्दु प्यारी पाटी मा,
अपणी किताब पढ़णु आई.

मास्टर जी किलै सिखौणा था,
यांकु बचपन मा निथौ ज्ञान,
आज समझ मा औण लग्युं छ,
कनुकै चुकौं गुरु जी कु अहसान.

पाटी, माटु अर् कमेड़ा कू,
आई.टी. युग मा छुटिगी साथ,
कम्पूटर का की बोर्ड फर,
अब त सदानी रंदु छ हाथ.

रचनाकार:
जगमोहन सिंह जयाड़ा, जिग्यांसु
२7.१२.२००८

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।