क्या दिन क्या रात,
बग्त की छ बात,
नाति बिळम्युं
मोबैल फर,
सुण्दु निछ बात।
स्मार्ट फोन चलौणु,
गीत कार्टून द्येखि,
भारी खुश होणु,
दादा द्येखि,
मुखड़ि छ लुकौणु ।
जबरि छंद औन्दु,
करदु नाति तैं
पुळ्याट,
ब्वल्दु ल्हौ चीज
मैकु,
मचौन्दु लराट ।
आंग्ळि घुमौन्दु
फोन फर,
पढ़दु छ किताब,
अंग्रेजी मा पुछ्दु
मैकु,
दी नि सक्दु जबाब ।
कख गै ऊ जमानु,
सुण्दा था टक्क
लगैक,
दादा जी की बात,
कथा सुणि दादा जी
सी,
कटदि थै ह्युंदै
रात ।
नाति भारी प्यारु
लग्दु,
क्या बतौण बात,
चक्कड़ीत भारी छ,
कन्दूड़ जान्दा हात
।
12/11/2020
No comments:
Post a Comment