प्यारा उत्तराखंड की,
जब मिल्दि छ,
गौं मुल्क बिटि अयाँ,
कै भै बन्ध, लंगि संगि सी,
भलु लगदु छ,
दूर परदेश मा......
जन, पहाड़ मा ऐंसु,
खूब बरखा होणी छ,
ह्यूं भि खूब पड़ी,
बुरांश खूब खिल्याँ छन,
डांडौं मा,
फ्योंलि का फूल,
खूब खिल्याँ छन,
पाख्यौं मा,
रौंत्याळु छ लगणु,
हमारू पहाड़.......
जन, गौं मा ऐंसु,
खूब फसल पात छ,
गौं तक सड़क बणिगी,
बिजली भि पौन्छिगी,
पंड्वार्त होणी छ,
गौं का सामणी,
ऊँचि धार ऐंच,
कुल देवता कू,
नयुं मंदिर बणनु छ.....
मन भारी खुश ह्वै जान्दु,
जब मिल्दि छ,
उत्तराखंड की "खबर सार",
भलु लगदु छ,
दूर परदेश मा......
जगमोहन सिंह जयाड़ा "जिज्ञासु"
ग्राम: नौसा-बागी, पट्टी. चन्द्रबदनी,
टेहरी गढ़वाल.
१०.२.२०१२
प्रवास: नई दिल्ली
www.pahariforum.net
-
स्व. इन्द्रमणि बडोनी जी, आपन कनु करि कमाल, उत्तराखण्ड आन्दोलन की, प्रज्वलित करि मशाल. जन्म २४ दिसम्बर, १९२५, टिहरी, जखोली, अखोड़ी ग्राम, उत्...
-
उत्तराखंड के गांधी स्व इन्द्रमणि जी की जीवनी मैंने हिमालय गौरव पर पढ़ी। अपने गाँव अखोड़ी से बडोनी जी नौ दिन पै...
-
गढवाळि कविता, भै बंधु, मन मेरु भौत खुश होंदु, पुराणा जमाना की याद, मन मा मेरा जब औंदि, मन ही मन मा रोंदु, मुल्क छुटि पहाड़ छुटि, छु...
No comments:
Post a Comment