देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Wednesday, October 31, 2012

"मेरा सब्बि दगड़्या"

दिल्ली प्रवास मा,
पहाड़ छोड़िक,
सदानि का खतिर,
अपणा नौना मु अयिं,
मेरा दगड़्या,
दयाल सिंह नेगी जी की,
पूज्य माताजिन,
मेरा पूछण फर,
बोड़ी जी, क्या गौं की,
याद भि औन्दि?
मैकु बताई,
अब नि औन्दि बेटा,
"मेरा सब्बि दगड़्या",
स्वर्ग मा चलिग्यन....

जिंदगी का,
यना पड़ाव मा,
क्या अहसास होन्दु होलु,
या बिंगण वाळी बात छ,
बोडी जी की बात सी,
उदासी कू अहसास ह्वै,
पर बोडी,
उदास निछ,
देवता पूजा मा,
जब गौं जौलु,
देखलु अपणु गौं मुल्क,
बोडी जी का मन मा,
आज या बात छ......

रचना: जगमोहन सिंह जयाड़ा "जिज्ञासु"
सर्वाधिकार सुरक्षित ३१.१०.१२

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।