"हमारू पहाड़"

(रचनाकार: जगमोहन सिंह जयाड़ा "जिज्ञासु")
पराणु सी प्यारू छ, दुनियाँ मा न्यारू छ,
देवतौं कू मुल्क अर भोले जी कू प्यारू छ,
कवि, लेखक, गितांग, नचाड़, बंठ्या बैखु का,
मयाळु मन मा बस्युं, "हमारू पहाड़",
गंगा यमुना कू मैत, माँ नन्दा कू प्यारू छ,
गर्व छ हमतैं, पराणु सी प्यारू "हमारू पहाड़",
जन्मभूमि, देवभूमि, मुल्क हमारू छ.
जख हैंस्दु छ हिमालय, प्यारू बुरांश,
प्यारी फ्योंलि कू मैत, वीं तैं भी प्यारू छ,
मन मा सदानि बस्युं रंदु, हमारा मन मा,
हे दिदा भुलौं, बल कथगा न्यारू छ,
पराणु सी प्यारू, कवि "जिज्ञासु" का मन मा,
दूर परदेश मा भी बस्युं, "हमारू पहाड़",
पराणु सी प्यारू छ, दुनियाँ मा न्यारू छ.
(सर्वाधिकार सुरक्षित एवं प्रकाशित २२.८.२०११)
http://www.pahariforum.net/forum/index.php/topic,37.135.html
http://jagmohansinghjayarajigyansu.blogspot.com/
http://www.facebook.com/media/set/?set=a.1401902093076.2058820.1398031521
http://younguttarakhand.com/community/index.php?topic=3260.new#new
हमारू पहाड़...