देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Sunday, April 7, 2013

"हला छोरा"

ऊंड बजौ तैं बाँसुळ,
देख ऊलारया मैनु लग्युं छ,
हमारा मुल्क मौळयार छयुं छ,
कुछ दिन मा कौथिग आला,
चल हे दगड़या!माल्डा का मेला,
गौं का बाटा फुंड हिट्दु,
हमारा गौं का कौथगेर,
धै लगाला अर भट्याला....

आज मेरु मन अल्सेयुं छ,
कुजाणि क्यौकु ऊदास होयुं छ,
मन मा सेळी सी पड़लि तब,
दादु मेरी ज्युकड़ी ऊलारया छ,
मैं पहाड़ कू पोथलु,
बुरांश कू रसिया,
हिल्वांसि मन छ मेरु,
ऊंड बजौ तैं बाँसुळ,
मेरु ज्यु पराण खुदेयुं छ....

-जगमोहन सिंह जयाड़ा "जिज्ञासु"
रचना सर्वाधिकार सुरक्षति
7.4.13

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।