देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Monday, May 16, 2011

"झपन्याळि डाळी का छैल"

(रचना: जगमोहन सिंह जयाड़ा "जिज्ञासु")

बैठि थौ कबरी, सुण हे दगड़्या,
अपणा प्यारा, मुल्क पहाड़,
दोफरी कू घाम थौ, बगदु बथौं थौ,
डाळी थै झपन्याळि, बांज बुरांस की,
बासण लगिं थै, घुघती हिल्वांस,
हैंसण लग्युं थौ, बण मा बुरांस,
तू भी थै बैठ्युं, जरा याद कर,
बात छ हमारा, प्यारा बाळापन की,
वे दिन दगड़्या, बैठ्युं थौ मैं,
अंग्वाळ मारिक, हे तेरा गैल,
कुलदेवी चन्द्रबदनी का डंडा,
"झपन्याळि डाळी का छैल",
(सर्वाधिकार सुरक्षित, मेरे ब्लॉग और पहाड़ी फोरम पर प्रकाशित)
दिनांक: १२.५.२०११

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।