चार आंग्ळौं कू,
पांचौं भाई छ,
पांची मिलिक,
पकड़दा छन,
कंठ्याळु कैकु.....
छोट्ट नौना,
चुस्दा भिछन,
किलै चुस्दा होला,
जाणु ऊंकू अजाण मन....
अंगोठ्या कागज फर,
लगैक देंदु छ मनखि,
अधिकार कै तैं,
जमीन जैदाद कू,
अर्जी फर भी,
लगौन्दु मनखि,
अर्ज कन्न का खातिर.....
जब क्वी मतलबी मनखि,
कैसी अपणु काम,
निकाळि देन्दु,
तब दिखौन्दु छ,
अंगोठ्या अपणु,
बोल्दु छ तब,
देख ठेंगा......
सरकारी कर्मचारी भी,
अंगोठ्या लगैक,
सुबेर ब्याख्ना,
लगौन्दन हाजिरी,
हाजिरी मशीन फर....
अंगोठ्या जन भिछ,
बड़ा काम कू छ,
तब्बित परमेशुरन,
दिनि मनखि तैं........
दिनांक 21.7.2016
No comments:
Post a Comment