स्वर्गवासी इन्द्रमणि बडोनी जी का,
प्यारा गौं अखोड़ी मा,
ढ़ोल वादन प्रतियोगिता कू,
भव्य अयोजन होणु छ,
सात समुदर पार बिटि बल,
स्टीफन फ्यौंलि दास भी औणु छ......
प्रतियोगिता आयोजन कर्ताओं कू,
हृदय सी करयुं चैन्दु आभार,
जौं सनै छ उत्तराखण्डी ढ़ोल सी,
मन मा अथाह सच्चू प्यार......
पहाड़ का पारम्परिक ढ़ोल्यौं कू,
समय समय फर करयुं चैन्दु मान,
शुभ कार्ज मा ढ़ोल समेत न्यूतिक,
दिन्युं चैन्दु सदानि सच मा सम्मान......
पहाड़ की संस्कृति कू सूचक छ,
हमारु प्यारु उत्तराखण्डी ढ़ोल,
सात समुदर पार तक पौंछिग्यन,
उत्तराखण्डी ढ़ोल का प्यारा बोल.......
12.10.2016
No comments:
Post a Comment