टिहरी डाम की झील......

ज्व फैलीं छ कै मील,

सुमन सागर का रुप मा,

जख बिजली कू जल्म होणु,

देश का कै राज्यौं तैं,

रोशन करिक जगमगौणु,

देश का महानगरु की,

तीस भी बुझाैणु,

पर्यटक स्थल का रुप मा,

प्रसिद्ध भिछ होणु,

झील मा तैरदा कूड़ा,

तेज दौड़दि नाव,

रौंत्याळि डांड्यौं का बीच,

हरीं भरीं झील,

हमारा मन मा,

आस सी जगौणि छ,

देश विदेश मा,

प्रसिद्ध भी होणि छ,

पर्यटन विभाग कू,

भगीरथ प्रयास,

टिहरी झील तैं,

प्रसिद्ध पर्यटक स्थल का रुप मा,

पछाण भी दिलौणु छ,

सच मा भलु विकास होणु छ,

स्थानीय जनता की आय बढ़ु,

रोजगार भी मिलु,

भगीरथ प्रयास होणु छ.......

-जगमोहन सिंह जयाड़ा 'जिज्ञासू'

दिनांक 6.9.2016