देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Wednesday, February 24, 2016

“बांदरु कू होंणु वास ”

“बांदरु कू होंणु वास ”

उत्तराखंड का बजेंदा गौं मा,
बल बांदरू कू ह्वैगि राज,
धुर्पळौं मा धमध्याणा छन,
कन्यौण लग्यां छन खाज.

सैल सगोड़ी लगुलि मुग्लि,
कन्न लग्यां सफाचटट,
डाळयौं मा फाळी मान्न लग्यां छन,
यथैं वथैं फटा-फट्ट.

यनु बतौन्दा बांदर छन बल,
हनुमान जी की फौज,
देवभूमि उत्तराखंड मा,
मनौण लग्यां छन मौज.

मूल निवासी उत्तराखंड का,
जाणा छन प्रवास,
खंडवार होन्दि कूड़ी पुंगड़यौं मा,
बांदरू कू होंणु वास.

रचनाकार:
जगमोहन सिंह जयाड़ा, जिग्यांसु
२1.१२.२००८

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।