देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Wednesday, February 24, 2016

“फ्योंलि”

फागुण बितिक चैत ऐगि…पहाड़ मां “फ्योंलि” अपणा मैत आयिं होलि. परदेस मां कखन देखण प्यारी फ्योंलि.

“फ्योंलि”

फागुण मैना फ्योंलि फूलिं,
अयिं छ अपणा मैत,
फुलारी वींतै घौर ल्हिजाणि,
लगिगी मैनि चैत.

पय्याँ बिचारू झक्क फुल्युं छ,
हेन्न लग्युं छ फ्योंलि,
पिंगळा रंग मां रंगि फ्योंलि,
लगणी जन ब्योलि.

साख्यौं बिटि प्यारा पहाड़,
औन्दि जान्दि फ्योंलि,
पाख्यौं पिंगळि बणिक बैठि,
लग्दि जन हो ब्योलि.

बिना फ्योंलि का प्यारा पहाड़,
ऐ नि सकदु मौळ्यार,
फुलारी दैळ्यौं मां फ्योंलि चढ़ौन्दि,
ज्व फैलौन्दी छ प्यार.

(सर्वाधिकार सुरक्षित,उद्धरण, प्रकाशन के लिए कवि की अनुमति लेना वांछनीय है)
जगमोहन सिंह जयाड़ा “जिग्यांसु”
ग्राम: बागी नौसा, पट्टी. चन्द्रबदनी,
टेहरी गढ़वाल-२४९१२२
निवास:संगम विहार,नई दिल्ली
(17.3.2009 को रचित)
दूरभाष: ९८६८७९५१८७

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।