देवभूमि उत्‍तराखण्‍ड तैं देखौं, उड़िक अनंत आगास सी..जगमोहन सिंह जयाड़ा "जिज्ञासू"

गढ़वाळि कवि छौं, गढ़वाळि कविता लिख्दु छौं अर उत्तराखण्ड कू समय समय फर भ्रमण कर्दु छौं। अथाह जिज्ञासा का कारण म्येरु कवि नौं "जिज्ञासू" छ।दर्द भरी दिल्ली म्येरु 12 मार्च, 1982 बिटि प्रवास छ। गढ़वाळि भाषा पिरेम म्येरा मन मा बस्युं छ। 1460 सी ज्यादा गढ़वाळि कवितौं कू मैंन पाड़ अर भाषा पिरेम मा सृजन कर्यालि। म्येरी मन इच्छा छ, जीवन का अंतिम दिन देवभूमि उत्तराखण्ड मा बितौं अर कुछ डाळि रोपिक यीं धर्ति सी जौं।

Wednesday, February 24, 2016

“आस औलाद”

“आस औलाद” सब्यों तैं प्यारी होन्दि छ…ब्वै बाब खौरि भि खान्दा छन औलाद का खातिर…..आज का दौर मां कथ्गा सार्थक छ ” औलाद मां आस रखणु” ……

“आस औलाद”

कथ्गा प्यारी होन्दि सब्यौं तैं,
अर् रन्दि छ आस,
हरेक मनखी का मन मां,
जैका बना ऊ,
दुनियां का जंजाळ,
गौळा लगौन्दु,
यनु सोचिक,
औलाद कू सारु मिललु,
अर् सकून देलु,
बुढ़ेन्दि बग्त,
सूखिं लाठी की तरौं.

संस्कारी औलाद जरूर,
आस पूरी करलि,
पर पाश्चात्य संस्कृति का प्रेम मां रन्गि,
वर्तमान पीढ़ी, क्या सार्थक होलि,
“आस औलाद” का परिपेक्ष मां.

जगमोहन सिंह जयाड़ा, जिग्यांसू
ग्राम: बागी नौसा, पट्टी. चन्द्रबदनी,
टेहरी गढ़वाल-२४९१२२
21.2.2009 को रचित
दूरभाष: ९८६८७९५१८७

No comments:

म्येरु भुला स्वर्गीय भगवान सिंह जयाड़ा

अब नि मिलेण यी धर्ति मा, अब कख ह्वेलि दगड़्र्र्रया तू? भुला भगवान सिंह जयाड़ा 1 फरवरी, 2020 कु सऊदी अरब मा स्वर्गवासी ह्वेेे। या दु:खद खबर जब मैकु रात 8.40 फर रमेश सिंह जयाड़ा न मैकु दिनि त मैकु बज्रपात कु सी ऐसास ह्वेेे। बचपन बिटि विद्यार्थी जीवन दगड़ा बिति अर दिल्ली मा भि कुछ समय तक दगड़ा रयौं। आज भुला की भौत याद औन्दि पर सब भगवान का हात छ।